Azərbaycan Skautlar Assosiasiyasının Milli Təlim Proqramı çərçivəsində “ASA-MTP006-TL23-1” nömrəli “Skautlar şimala doğru – Gənc skaut liderlərinin aşkar olunması və potensiallarının artırılması” adlı liderlik kursu həyata keçiriləcəkdir!
14-16 iyun 2023-cü il tarixlərində Qəbələ rayonunda baş tutacaq liderlik kursunda Şəki-Zaqatala və Dağlıq Şirvan regionlarından olan dəstə lideri olmaq istəyən 22 yaş və yuxarı olan şəxslər iştirak edəcəkdir.
Baş tutacaq layihənin məqsədi skaut hərəkatı vasitəsilə regionlarda yeniyetmə və gəncləri vətənpərvər ruhda tərbiyə etmək, onların ictimai fəallığını artırmaq, Respublika səviyyəsində hərəkatın inkişafına nail olmaq və bununla da ölkəmizdə uğurlar davam etdirilən gənclər siyasətinə tövhə vermək üçün Skaut Liderləri yetişdirməkdir.
MÜRACİƏT ÜÇÜN ƏRİZƏ-ANKET:
Qeydiyyatdan keçmiş və skaut lideri olmağa uyğun olan hər kəs ikinci mərhələyə – müsahibəyə dəvət ediləcəklər.
Layihə Azərbaycan Respublikası Gənclər Fondunun dəstəyi ilə NAYORA tərəfindən həyata keçirilən “ŞƏBƏKƏ” proqramı çərçivəsində dəstəklənir. Proqramın əsas məqsədi gənclərlə gənclər təşkilatları arasında birgə işin inkişafına dəstək vermək və gənclər təşkilatlarının fəaliyyətlərini stimullaşdırmaqdır.
