Zəng mərkəzi

Skautlar suallarınızı cavablamağa daima hazırdırlar
Azərbaycan Skautları

Bizim məqsədimiz

Azərbaycan Skautlar Assosiasiyasının gənclərin tərbiyə olunmasına, vətənpərvər, kamil və layiqli Azərbaycan vətəndaşlarının formalaşdırılmasına kömək göstərməkdir

Dünyada Skautinq

Skaut hərəkatı ilk dəfə 1907-ci ildə Böyük Britaniyada Lord Baden Pauell tərəfindən yaradılmışdır. Hal-hazırda 217 dünya ölkəsindən təxmini 40 milyon uşaq, yeniyetmə və gənc onun sıralarında birləşərək, “Hər gün xeyirxah iş görək” devizi altında fəaliyyət göstərirlər. Yarandığı dövrdən indiyədək planetimizin 300 milyondan çox sakini skaut hərəkatının üzvü olmuşdur.

scout.org

Yaş qrupları

Mauqli Skautlar- 6-10 yaş, Skautlar 11-13 yaş, Cəngavər Skautlar 14-17 yaş, Səyyah Skautlar 18-22 yaş. Skautinqin böyük töhfəsi gənclərin ahəngdar dünyaya iradəsi və motivasiyası, başqalarının adət-ənənələrinə, adətlərinə və dinlərinə hörmətdir.

scout.org

Dayanıqlı inkişaf Naminə

Azərbaycan Skautlar Assosiasiyasının üzvlərinin Dayanıqlı İnkişaf Məqsədlərinin tədrisi çərçivəsində bilik və bacarıqlarının peşəkar şəkildə inkişafına yönəlmiş təlimlərin həyata keçirilməsi "Azərbaycan Skautları Dayanıqlı İnkişaf Naminə" proqramın əsas missiyasıdır.

scoutsforsdgs
image
image
image
image
KOMANDA

Komandamızın bir hissəsi

Azərbaycan Skautlar Assosiasıyasının fəaliyyəti boyu yüzlərlə sülh elçisi komandamızdaa fəaliyyət göstərərək dünyaya öz töhvəsini vermişdir. Cari komandamız ilə tanış olmaq üçün \"HAQQIMIZDA\" bölməsinə keçid edə bilərsiniz.

image
image
Şuşada ilk çadır düşərgəsini skautlar qurub

Azərbaycan Respublikasının Gənclər və İdman Nazirliyinin dəstəyi ilə Azərbaycan Skautlar Assosiasiyası tərəfindən Şuşa şəhərində avqustun 8-dən 14-dək yuxarı yaşlı skautlar üçün “Wonderland Shusha, Azerbaijan” beynəlxalq skaut düşərgəsi həyata keçirildi.

Şuşaya ilk addımlarını “Zəfər Yürüşü” ilə atan skautlarımız Qarabağda ilk düşərgəsində Türkiyə, Polşa, Ukrayna, Macarıstan, Gürcüstan, Misir və Moldovadan 20 skautun da iştirak edib. Bununla da Wonderland Shusha 2022 düşərgəsi skautların Qarabağda ilk düşərgəsi kimi tarixə düşüb.

Beynəlxalq düşərgənin əsas məqsədi şanlı zəfərimizin Şuşa təntənəsinin şahidi olmaq, gənc skautların xüsusi bacarıqlara yiyələnmələri üçün xüsusi təlimlər təşkil etmək, “Şuşa ili” çərçivəsində yerli və xarici skautların iştiraki ilə sosial layihələri həyata keçirməkdir.

Ümumilikdə 150 nəfərin iştirak etdiyi düşərgənin ilk günü skautlarımız öz çadırlarını qurduqdan sonra təhlükəsizlik qaydaları ilə danış olub “zərərdən müdafiə” təlimini keçiblər. Daha sonra Şuşa şəhərinin ecazkar təbiəti və tarixi ilə yaxından tanış olublar.

Proqramı humanitar istiqamətdə qurulan bir həftəlik düşərgənin növbəti günlərində Səhiyyə Nazirliyi İctimai Səhiyyə və İslahatlar Mərkəzi tərəfindən “İlk yardım”, Konflikt jurnalistikası məktəbi tərəfindən “Ekstrimal jurnalistika” və “Sosial şəbəkələrdən doğru istifadə etmə”, Fövqəladə Hallar Nazirliyini tərəfindən “Təməl yanğından mühafizə”, “Alpinizm alətlərindən istifadə”, “Çətin şəraitlərdə yaralıların təxliyyəsi”, Müdafiə Nazirliyini Xüsusi Təyinatlı Qüvvələri tərəfindən “Ekstrimal hallarda sağ qalma və qidalanma”, “Əldə olan vasitələrlə gecə və gündüz səmti müəyyənetmə”, Aselsan Bakü şirkəti tərəfindən “Simsiz radio rabitə sistemlərindən itsifadə” və s. təlimlər baş tutub daha sonra öyrəndiklərini tətbiq etmək məqsədi ilə onlar üçün ssenariləşdirilmiş simulasiya hayata keçirilmişdir.

Düşərgə müddətində skautlar Şuşa şəhər mərkəzini tullantılardan tamizlənməsi, Tut bağındakı ağacların əhənglənməsi, cıdır düzünün təmizlənməsi və s. kimi sosial aksiyalar da həyata keçiriblər.

Hər günü sonunda düşərgə tonqalı ətrafına toplaşan skautlar öz yaradıcılıq bacarıqlarını nümayiş etdirərək günü pozitiv abu hava ilə sonlandırırlar.

“Juliette Low” Seminarına qeydiyyat başladı – 100 qıza çat!

WAGGGS-ın liderlik simvolu olan “Juliette Low”Seminarında iştirak edib, yüzlərlə qızın inkişaf etməsinə səbəb olmaq istəyirsinizsə, bu proqram sizin üçündür.

Müraciət üçün meyarlar:
• 18-29 yaş arası;
• Yaxşı səviyyədə ingilis dil biliyi (minimum B1);
• İcma quruculuğu fəaliyyətində iştirak etməyə həvəsli;
• Son 6 ay müddətində təşkilatda aktiv fəaliyyət;

Qeyd:
• Proqramda iştirak etmək üçün təşkilatdan yalnız 1 nəfər qız skaut seçiləcək.
• Proqramda iştirak edəcək şəxsdən 1 il ərzində 100 qıza çatması istəniləcək.

Proqram 3 hissədən ibarətdir:

• 2-11 dekabr 2022-ci il tarixində Campfire platformasında online təlim;
• 1 il müddətində Azərbaycanda 100 qıza çatmaq;
• WAGGGS Dünya mərkəzlərindən
(Pax Lodge, Our Chalet, Our Cabana, Sangam, Kusafiri) birinə hesabat səfəri.*

*Səfərə yalnız 1 il ərzində öz icmasında 100 qıza çatacaq şəxslər dəvət olunacaq.

Son müraciət tarixi: 15 avqust 2022-ci il, saat 23:59


MÜRACİƏT ƏRİZƏSİ


Böyükyaşlı üzvümüz Makodoniyada “European Agora” tədbirində iştirak edib

Azərbaycan Skautlar Assosiasiyasının böyükyaşlı üzvü, İctimaiyyətlə əlaqələr sub-komitəsinin əməkdaşı İslam Şükürov Dünya Skaut Hərəkatı Təşkilatının 13-cü “European Agora” beynəlxalq tədbirində iştirak edib. Bu tədbir “Excelscout 2022” tədbiri üçün planlaşdırma və işçi heyət üçün maarifləndirmə məqsədi daşıyır.

Təxminən 80 nəfər iştirakçı şəbəkə qurmaq, paylaşmaq, bilik toplamaq və ətrafdakı cəmiyyətə təsir göstərmək məqsədilə birgə idi.

Qeyd edək ki, yaxın tarixlərdə Avrasiyanın hər yerindən olan səyyah skautlar “EXCELSCOUT 2022” beynəlxalq tədbiri üçün Moldovada bir araya gələcək. Bu tədbirin keyfiyyəti əvvəlki nəşrlərdə 201 iştirakçıya verilən liderlik təliminə əsaslanır və ilham alır. Son 10 il ərzində qlobal miqyasda təqdim edilmiş ən yaxşı səyyah tədbirlərindəndir.

Dünyada əhəmiyyətli dəyişikliklərin baş verdiyi bir vaxtda, bir çox ölkələrdə skautinq artıq yerli icmalarda müsbət təsir yaradaraq fərq yaratmışdır. Əhəmiyyətli liderlik təlimi beş gündə əldə edilmir. Müsbət təsirin inkişafı üçün vaxt lazımdır. Bunu qəbul edərək, “EXCELSCOUT 2022” iştirakçılarını EXCELSCOUT təcrübələrinə hazırlıq məqsədilə bir-biri ilə və öz Milli Skaut Təşkilatı ilə əlaqə saxlamağa çağırır. Moldovadakı tərəfdaşlarımız BMT-nin Dayanıqlı İnkişaf Məqsədlərinə (DİM) nail olmaq üçün icmalarda işləmək üzrə geniş təcrübəyə malik QHT-lərdir. Biz iştirakçılarımızı dayanıqlı inkişaf məqsədləri təcrübəsini beynəlxalq komanda daxilində və tərəfdaşlarımızla birlikdə layihənin son hissələrini yerinə yetirərək yekunlaşdırmağa dəvət edəcəyik. Bunun vasitəsilə və layihənin həyata keçirilməsi prosesində əldə edilən biliklər onların yolunu işıqlandıracaq və öz icmalarında uzunmüddətli təsir kölgəsi yaratmaq üçün lazım olan bacarıqları gücləndirəcək. Bu bacarıqları öz icmalarında tətbiq etmək səyyahlara öz Rover Scout proqramında fəal iştirak etməklə Skautinqə müsbət işıq salmağa kömək edəcək.


Qalereya:

“Wood Badge – Azərbaycan Skautlarının Ustadlıq Proqramı” öz işinə başlayıb.

Azərbaycanda ilk dəfə keçirilən “Wood Badge – Azərbaycan Skautlarının Ustadlıq Proqramı” beynəlxalq layihəsi 18 fevral tarixindən etibarən öz işinə başlayıb. Bu proqram skautların ən yüksək dərəcəli təlim proqramıdır və Milli Təlim Proqramı çərçivəsində həyata keçirilir.

24 fevral tarixinədək həyata keçiriləcək layihə çərçivəsində iki istiqamət üzrə: “Wood Badge” və Təməl Liderlik kursları davam edir. Milli Təlim Proqramının həyata keçirilməsi üçün təlimçilər və fasilitatorlar Amerika Birləşmiş Ştatlarından və Türkiyə Cümhuriyyətindən dəvət edilmiş skautmasterlərdir. Azərbaycan Respublikasının Gənclər və İdman Nazirliyinin dəstəyi ilə “Cırtdan” – Uşaq İstirahət və Sağlamlıq Mərkəzində baş tutan beynəlxalq “Wood Badge” kursu çərçivəsində düşərgə ərazisinə gələn müdavimlər yerləşmə və nahar və patrullara bölündükdən sonra onlara “Yüksək dərəcəli liderlik kursu”, “Müxtəlif yaş qruplarının tapşırıqları” və digər təlimlərə qoşulublar. Paralel olaraq Təməl Liderlik kursu iştirakçıları isə “Düşərgənin qurulması”, “Komandanın idarə edilməsi”, “Patrul sistemi anlayışı” və digər təlimlərdə fəal iştirak ediblər.

Düşərgənin ikinci gününün davamında iştirakçılar “Skautiqin tarixi və skautinqin predmeti”, “Skautinqin əsas prinsipləri”, “Struktur”, “Qol komandaları, balta, bıçaq istifadəsi”, “Bacarıqların kurikulumu” və digər təlimlərə qoşulublar. Gün sonunda onlar öz axşam yeməklərini birgə hazırlayaraq patrul ruhunu atrırıblar.Gün sonu düşərgə tonqal ətrafında birləşərək ənənəvi skaut fəaliyyətləri icra edən skautlar qəlblərini isidiblər.

Qeyd edək ki, “Wood Badge” böyükyaşlılar üçün peşəkar səviyyədə həyata keçirilən qabaqcıl liderlik təlimidir. Bir və daha çox həftədən ibarət olan təlim, skaut metodları və patrul təcrübəsini yaşamaqla peşəkar skaut ustadları tərəfindən öyrədilir. “Wood Badge” proqramı iştirakçılara skaut bacarıqlarından daha çox Liderlik bacarıqlarını öyrətmək və inkişaf etdirməkdən ibarətdir. Bu bacarıqlar skautinqlə yanaşı həyatın bütün sahələrində istifadə edilə bilən bacarıqlardır.

Azərbaycanda ilk dəfə “Wood Badge” beynəlxalq proqram həyata keçirilir


Azərbaycan Respublikası Gənclər Fondunun XV qrant müsabiqəsini qalibi “Wood Badge – Azərbaycan Skautlarının Ustadlıq Proqramı” layihəsi çərçivəsində həyata keçirilən beynəlxalq təlim proqramı sona çatdı. Bu proqram skautların ən yüksək dərəcəli təlim proqramıdır və Azərbaycan Skautlar Assosiasiyasının Milli Təlim Proqramının daxilində həyata keçirilir.

İlk Wood Badge kursunun iştirakçıları

18 fevral tarixindən start götürən layihə çərçivəsində iki istiqamət üzrə: “Wood Badge” və “Təməl Liderlik” kursları baş tutub. 1 həftədən ibarət Proqramının həyata keçirilməsi üçün təlimçilər və fasilitatorlar Amerika Birləşmiş Ştatlarından və Türkiyə Cümhuriyyətindən dəvət edilmiş skautmasterlərdir.

55 gəncin iştirak etdiyi layihənin əsas məqsədi yeni skaut liderlərinin yetişdirilməsi, onların liderlik bacarıqlarının ortaya çıxarılması, skaut metodları və patrul təcrübəsini yaşatmaq, eyni zamanda skaut liderlərimizin peşəkar səviyyədə həyata keçirilən beynəlxalq liderlik kursunda iştirakını təmin etməkdir.

Bağlanış mərasimindən

Tədbirin bağlanış mərasimində çıxış edən  Azərbaycan Respublikası Gənclər Fondunun icraçı direktorunun müavini Orxan Ərəbov, ABŞ və Türkiyə skautmasterləri və Azərbaycan Skautlar Assosiasiyasının rəsmiləri öz növbələrində skautinqin gənclərə və ətraf mühitə verdiyi faydaları bir daha xatırladıb, daha uğurlu lider olmaqda praktiki liderlik təlimlərinin önəmini vurğulayaraq layihə iştirakçılarına uğurlar arzu ediblər.

Cənab Patrik Hamilton və cənab Orxan Ərəbov

Azərbaycan Respublikasının Gənclər və İdman Nazirliyinin dəstəyi ilə “Cırtdan” – Uşaq İstirahət və Sağlamlıq Mərkəzində baş tutan beynəlxalq “Wood Badge” kursu çərçivəsində düşərgə ərazisinə gələn müdavimlər yerləşmə və nahar və patrullara bölündükdən sonra onlara “Yüksək dərəcəli liderlik kursu”, “Müxtəlif yaş qruplarının tapşırıqları” və digər təlimlərə qoşulublar. Paralel olaraq Təməl Liderlik kursu iştirakçıları isə “Düşərgənin qurulması”, “Komandanın idarə edilməsi”, “Patrul sistemi anlayışı” və digər təlimlərdə fəal iştirak ediblər.

Düşərgənin davamında iştirakçılar “Skautiqin tarixi və skautinqin predmeti”, “Skautinqin əsas prinsipləri”, “Struktur”, “Qol komandaları, balta, bıçaq istifadəsi”, “Bacarıqların kurikulumu” və digər təlimlərə qoşulublar. Gün sonunda onlar öz axşam yeməklərini birgə hazırlayaraq patrul ruhunu atrırıblar.
Gün sonu düşərgə tonqal ətrafında birləşərək ənənəvi skaut fəaliyyətləri icra edən skautlar qəlblərini isidiblər.

Qeyd edək ki, 1919-cu ildən etibarən həyata keçirilən “Wood Badge” beynəlxalq liderlik proqramı böyükyaşlı skautlar üçün peşəkar səviyyədə həyata keçirilən qabaqcıl liderlik təlimidir. Bir və daha çox həftədən ibarət olan təlim, skaut metodları və patrul təcrübəsini yaşamaqla peşəkar skaut ustadları tərəfindən öyrədilir.

“Wood Badge” proqramı iştirakçılara skaut bacarıqlarından daha çox Liderlik bacarıqlarını öyrətmək və inkişaf etdirməkdən ibarətdir. Bu bacarıqlar skautinqlə yanaşı həyatın bütün sahələrində istifadə edilə bilən bacarıqlardır.

ŞƏKİLLƏR:

Milli Təlim Proqramının liderlik kurslarına start verilib

Azərbaycan Gənclər Fondunun XV qrant müsabiqəsinin qalibi olmuş “Wood Badge – Azərbaycan Skautlarının Ustadlıq Proqramı” layihəsi çərçivəsində həyata keçirilən Azərbaycan Skautlarının Milli Təlim Proqramının liderlik kurslarına start verilib.

Azərbaycan Respublikasının Gənclər və İdman Nazirliyinin də dəstəyi ilə baş tutan layihənin əsas məqsədi yeni skaut liderlərinin yetişdirilməsi, onların liderlik bacarıqlarının ortaya çıxarılması, skaut metodları və patrul təcrübəsini yaşatmaq, eyni zamanda skaut liderlərimizin peşəkar səviyyədə həyata keçirilən beynəlxalq liderlik kursunda iştirakını təmin etməkdir.

Tədbirin açılış mərasimində çıxış edən Azərbaycan Respublikasının Gənclər və İdman Nazirliyinin Gənclərlə iş şöbəsinin müdiri Fuad Babayev, ABŞ və Türkiyə skautmasterləri və Azərbaycan Skautlar Assosiasiyasının rəsmiləri öz növbələrində skautinqin gənclərə və ətraf mühitə verdiyi faydaları bir daha xatırladıb, daha uğurlu lider olmaqda praktiki liderlik təlimlərinin önəmini vurğulayaraq layihə iştirakçılarına uğurlar arzu ediblər.