Azərbaycan Skautlar Assosiasiyasının üzvləri 11-15 oktyabr 2023-cü il tarixində Şimali Makedoniyanın Skopye şəhərində keçirilmiş “10-cu Təhsil Metodları Forumu”nda iştirak ediblər.
ASA-nın Beynəlxalq müvəkkili Rezida Rzayeva və Bakı şəhəri üzrə müvəkkil Ruqiyyə Məmmədova ümumi sessiya və fəaliyyətlərlə yanaşı, DHST (WOSM) Avropa Regionu könüllülər komandası tərəfindən keçirilən “Sülh təhsili”, “Təhsildə trendlər”, “Mental sağlamlıq sahəsində maariflənmə”, “Gənc ətraf mühit liderləri”, “Həssas qrupdan olan icmalarla iş” kimi təlim və vörkşoplara qatılıb, habelə Avropa Regionuna yeni qatılmış ölkələr üçün dizayn olunmuş pilot proqram ilə tanış olublar.
Qeyd edək ki, “DHST Avropa Regionu Təhsil Metodları Forumu”hər üç ildən bir keçirilir və bu görüş Avropanın hər nöqtəsindən skautları bir araya gətirir.
