Azərbaycan Respublikasının Gənclər və İdman Nazirliyinin dəstəyi ilə Azərbaycan Skautlar Assosiasiyası tərəfindən 2022-ci ilin “Gənclər Paytaxtı” Tovuzun Kirən kəndində 25-31 avqust tarixlərdə “Wonderland Azerbaijan 2022 – Tovuz” adlı skautların yay düşərgəsi baça çatıb.
Düşərgənin məqsədi gənclərin asudə vaxtlarının səmərəli təşkili, vətənpərvərlik hislərinin yüksəldilməsi, ekstrimal hallardan çıxış yollarının öyrədilməsi, yeniyetmə və gənclər arasında dostluq əlaqələrinin gücləndirilməsi, eləcə də skaut hərəkatının regionlarda inkişafına dəstək olmaqdır.
20 rayondan 400-ə yaxın skautun iştirak etdiyi düşərgədə “Komanda quruculuğu”, “Bionik əl”, “Algoritm”, “Robotexnika”, “Tullantıdan sənətə”, “Liderlik nəzəriyyələri”, “Oxatma”, “Sığınacaq və ocaq qalama”, “Düyünlər”, “Ağac emalı alətlərindən düzgün və təhlükəsiz istifadə” təlimləri keçirilib. Hər günün sonunda skautlar düşərgə tonqalı ətrafında öz yaradıcılıq bacarıqlarını nümayiş etdiriblər.