Böyükyaşlı üzvümüz Makodoniyada “European Agora” tədbirində iştirak edib

Azərbaycan Skautlar Assosiasiyasının böyükyaşlı üzvü, İctimaiyyətlə əlaqələr sub-komitəsinin əməkdaşı İslam Şükürov Dünya Skaut Hərəkatı Təşkilatının 13-cü “European Agora” beynəlxalq tədbirində iştirak edib. Bu tədbir “Excelscout 2022” tədbiri üçün planlaşdırma və işçi heyət üçün maarifləndirmə məqsədi daşıyır.

Təxminən 80 nəfər iştirakçı şəbəkə qurmaq, paylaşmaq, bilik toplamaq və ətrafdakı cəmiyyətə təsir göstərmək məqsədilə birgə idi.

Qeyd edək ki, yaxın tarixlərdə Avrasiyanın hər yerindən olan səyyah skautlar “EXCELSCOUT 2022” beynəlxalq tədbiri üçün Moldovada bir araya gələcək. Bu tədbirin keyfiyyəti əvvəlki nəşrlərdə 201 iştirakçıya verilən liderlik təliminə əsaslanır və ilham alır. Son 10 il ərzində qlobal miqyasda təqdim edilmiş ən yaxşı səyyah tədbirlərindəndir.

Dünyada əhəmiyyətli dəyişikliklərin baş verdiyi bir vaxtda, bir çox ölkələrdə skautinq artıq yerli icmalarda müsbət təsir yaradaraq fərq yaratmışdır. Əhəmiyyətli liderlik təlimi beş gündə əldə edilmir. Müsbət təsirin inkişafı üçün vaxt lazımdır. Bunu qəbul edərək, “EXCELSCOUT 2022” iştirakçılarını EXCELSCOUT təcrübələrinə hazırlıq məqsədilə bir-biri ilə və öz Milli Skaut Təşkilatı ilə əlaqə saxlamağa çağırır. Moldovadakı tərəfdaşlarımız BMT-nin Dayanıqlı İnkişaf Məqsədlərinə (DİM) nail olmaq üçün icmalarda işləmək üzrə geniş təcrübəyə malik QHT-lərdir. Biz iştirakçılarımızı dayanıqlı inkişaf məqsədləri təcrübəsini beynəlxalq komanda daxilində və tərəfdaşlarımızla birlikdə layihənin son hissələrini yerinə yetirərək yekunlaşdırmağa dəvət edəcəyik. Bunun vasitəsilə və layihənin həyata keçirilməsi prosesində əldə edilən biliklər onların yolunu işıqlandıracaq və öz icmalarında uzunmüddətli təsir kölgəsi yaratmaq üçün lazım olan bacarıqları gücləndirəcək. Bu bacarıqları öz icmalarında tətbiq etmək səyyahlara öz Rover Scout proqramında fəal iştirak etməklə Skautinqə müsbət işıq salmağa kömək edəcək.


Qalereya:

Azərbaycanda ilk dəfə “Wood Badge” beynəlxalq proqram həyata keçirilir


Azərbaycan Respublikası Gənclər Fondunun XV qrant müsabiqəsini qalibi “Wood Badge – Azərbaycan Skautlarının Ustadlıq Proqramı” layihəsi çərçivəsində həyata keçirilən beynəlxalq təlim proqramı sona çatdı. Bu proqram skautların ən yüksək dərəcəli təlim proqramıdır və Azərbaycan Skautlar Assosiasiyasının Milli Təlim Proqramının daxilində həyata keçirilir.

İlk Wood Badge kursunun iştirakçıları

18 fevral tarixindən start götürən layihə çərçivəsində iki istiqamət üzrə: “Wood Badge” və “Təməl Liderlik” kursları baş tutub. 1 həftədən ibarət Proqramının həyata keçirilməsi üçün təlimçilər və fasilitatorlar Amerika Birləşmiş Ştatlarından və Türkiyə Cümhuriyyətindən dəvət edilmiş skautmasterlərdir.

55 gəncin iştirak etdiyi layihənin əsas məqsədi yeni skaut liderlərinin yetişdirilməsi, onların liderlik bacarıqlarının ortaya çıxarılması, skaut metodları və patrul təcrübəsini yaşatmaq, eyni zamanda skaut liderlərimizin peşəkar səviyyədə həyata keçirilən beynəlxalq liderlik kursunda iştirakını təmin etməkdir.

Bağlanış mərasimindən

Tədbirin bağlanış mərasimində çıxış edən  Azərbaycan Respublikası Gənclər Fondunun icraçı direktorunun müavini Orxan Ərəbov, ABŞ və Türkiyə skautmasterləri və Azərbaycan Skautlar Assosiasiyasının rəsmiləri öz növbələrində skautinqin gənclərə və ətraf mühitə verdiyi faydaları bir daha xatırladıb, daha uğurlu lider olmaqda praktiki liderlik təlimlərinin önəmini vurğulayaraq layihə iştirakçılarına uğurlar arzu ediblər.

Cənab Patrik Hamilton və cənab Orxan Ərəbov

Azərbaycan Respublikasının Gənclər və İdman Nazirliyinin dəstəyi ilə “Cırtdan” – Uşaq İstirahət və Sağlamlıq Mərkəzində baş tutan beynəlxalq “Wood Badge” kursu çərçivəsində düşərgə ərazisinə gələn müdavimlər yerləşmə və nahar və patrullara bölündükdən sonra onlara “Yüksək dərəcəli liderlik kursu”, “Müxtəlif yaş qruplarının tapşırıqları” və digər təlimlərə qoşulublar. Paralel olaraq Təməl Liderlik kursu iştirakçıları isə “Düşərgənin qurulması”, “Komandanın idarə edilməsi”, “Patrul sistemi anlayışı” və digər təlimlərdə fəal iştirak ediblər.

Düşərgənin davamında iştirakçılar “Skautiqin tarixi və skautinqin predmeti”, “Skautinqin əsas prinsipləri”, “Struktur”, “Qol komandaları, balta, bıçaq istifadəsi”, “Bacarıqların kurikulumu” və digər təlimlərə qoşulublar. Gün sonunda onlar öz axşam yeməklərini birgə hazırlayaraq patrul ruhunu atrırıblar.
Gün sonu düşərgə tonqal ətrafında birləşərək ənənəvi skaut fəaliyyətləri icra edən skautlar qəlblərini isidiblər.

Qeyd edək ki, 1919-cu ildən etibarən həyata keçirilən “Wood Badge” beynəlxalq liderlik proqramı böyükyaşlı skautlar üçün peşəkar səviyyədə həyata keçirilən qabaqcıl liderlik təlimidir. Bir və daha çox həftədən ibarət olan təlim, skaut metodları və patrul təcrübəsini yaşamaqla peşəkar skaut ustadları tərəfindən öyrədilir.

“Wood Badge” proqramı iştirakçılara skaut bacarıqlarından daha çox Liderlik bacarıqlarını öyrətmək və inkişaf etdirməkdən ibarətdir. Bu bacarıqlar skautinqlə yanaşı həyatın bütün sahələrində istifadə edilə bilən bacarıqlardır.

ŞƏKİLLƏR:

Milli Təlim Proqramının liderlik kurslarına start verilib

Azərbaycan Gənclər Fondunun XV qrant müsabiqəsinin qalibi olmuş “Wood Badge – Azərbaycan Skautlarının Ustadlıq Proqramı” layihəsi çərçivəsində həyata keçirilən Azərbaycan Skautlarının Milli Təlim Proqramının liderlik kurslarına start verilib.

Azərbaycan Respublikasının Gənclər və İdman Nazirliyinin də dəstəyi ilə baş tutan layihənin əsas məqsədi yeni skaut liderlərinin yetişdirilməsi, onların liderlik bacarıqlarının ortaya çıxarılması, skaut metodları və patrul təcrübəsini yaşatmaq, eyni zamanda skaut liderlərimizin peşəkar səviyyədə həyata keçirilən beynəlxalq liderlik kursunda iştirakını təmin etməkdir.

Tədbirin açılış mərasimində çıxış edən Azərbaycan Respublikasının Gənclər və İdman Nazirliyinin Gənclərlə iş şöbəsinin müdiri Fuad Babayev, ABŞ və Türkiyə skautmasterləri və Azərbaycan Skautlar Assosiasiyasının rəsmiləri öz növbələrində skautinqin gənclərə və ətraf mühitə verdiyi faydaları bir daha xatırladıb, daha uğurlu lider olmaqda praktiki liderlik təlimlərinin önəmini vurğulayaraq layihə iştirakçılarına uğurlar arzu ediblər.

Azərbaycan Skautlarının növbəti “Wonderland Azərbaycan” skaut düşərgəsi başa çatıb.

Azərbaycan Respublikasının Gənclər və İdman Nazirliyinin dəstəyi ilə təşkil edilən ənənəvi düşərgənin əsas məqsədi gənclərin asudə vaxtlarının səmərəli təşkili, vətənpərvərlik hislərinin yüksəldilməsi, ekstrimal hallardan çıxış yollarının öyrədilməsi, yeniyetmə və gənclər arasında dostluq əlaqələrinin gücləndirilməsi, eləcə də skaut hərəkatının regionlarda inkişafına dəstək olmaqdan ibarətdir.

And içmiş skautlara sədr tərəfindən fəxri nişan təqim olunarkən

9 rayondan 150-dən çox skautun iştirak etdiyi düşərgə bu il iki hissədən ibarət olub və ilk hissə ötən həftə Masallı rayonunda baş tutub.

Mövzusu “Sirlər xəzinəsi” olan düşərgə “Nizami Gəncəvi İli”nə həsr edilib və 5 günlük proqram dahi Azərbaycan şairi və mütəfəkkiri Nizami Gəncəvi yaradıcılığı üzərində qurulub.

Skaut düşərgəsi Gənclər və İdman Nazirliyinin dəstəyi ilə Azərbaycan Skautlar Assosiasiyası tərəfindən 10 ildən çoxdur həyata keçirilir və indiyədək Xacmaz, Quba, Lerik, Şəmkir, Gəncə, Masallı, Şamaxı, Qax və digər rayonlarda təşkil edilib. Növbəti düşərgənin məktəblilərin payız tətili ərəfəsində təşkili planlaşdırılır.

KOMANDAMIZA QOŞULUN: EKO-SKAUT DÜŞƏRGƏSİ

IDEA İctimai Birliyi, Azərbaycan Respublikasının Gənclər Fondu və Azərbaycan Skautlar Assosiasiyası “Təbiətin keşiyində” adlı növbəti düşərgəyə start verir.


Hirkan Milli Parkında 16-18 oktyabr tarixində keçiriləcək “Təbiətin keşiyində” adlı düşərgənin idarə olunması hər il olduğu kimi bu il də Azərbaycan Skautlar Assosiasiyasının böyükyaşlı üzvləri, səyyah skautlar tərəfindən həyata keçiriləcək.


Qeyd: Düşərgənin müddəti 2 gecə 3 gündür. İştirakçılar çadır, yataq kisəsi, mat, təlim ləvazimatları, ilk yardım dəsti, nəqliyyat, qida və su ilə təmin olunacaqlar.
Komandada yer almaq üçün qeydiyyatdan keçməyə tələsin!


Qeydiyyatdan keçmək üçün link

Son qeydiyyat tarixi: 5 oktyabr 2021-ci il, saat 20:00

EKO-SKAUT DÜŞƏRGƏSİ BAŞ TUTACAQ

Dostlar, hamınızın böyük maraqla gözlədiyi növbəti Eko-skaut düşərgəsi bir müddət ara verildikdən sonra yenidən baş tutacaq.

Azərbaycan Respublikasının Gənclər Fondu və Azərbaycan Skaut Assosiyası ilə birgə, IDEA eko-skaut proqramı çərçivəsində təşkil edilən Hirkan Milli Parkında 16-18 oktyabr tarixində “Təbiətin keşiyində” adlı yeni bir düşərgə təşkil olunacaq. İştirakçıları Milli parkın ərazisində eko-tur, marşrut boyu praktik təlimlər, hikinq, əyləncəli yarışlar, müsabiqələr keçiriləcək, həmçinin gəncləri musiqi, maraqlı ekoloji mövzularda fikir mübadilələri və s. surprizlər gözləyir.

📝Eko-skaut düşərgəsində iştirak etmək istəyənlər üçün şərtlər:
Yaş həddi: 18-25
Təhsil: Ətraf mühit və davamlı inkişaf sahələrində təhsil alan və ya təhsilini tamamlamış gənclər
Qeyd: Düşərgənin müddəti 2 gecə 3 gündür. İştirakçılar çadır, yataq kisəsi, mat, təlim ləvazimatları, ilk yardım dəsti, nəqliyyat, qida və su ilə təmin olunacaqlar.

Düşərgədə iştirak etmək istəyənlərdən https://forms.gle/PzNx2QHThzgxaVwFA linkdəki formanı doldurmaları xahiş olunur. Əlavə məlumat üçün: Tel.: +(994 12) 4976316

HACIKƏNDDƏ KEÇİRİLƏN “XƏMSƏ” DÜŞƏRGƏSİ YEKUNLAŞIB

“Nizami Gəncəvi İli” çərçivəsində Azərbaycan Skautlar Assosiasiyasının təşkilatçılığı, Gəncə Gənclər evi SMX-nin dəstəyi ilə Gəncədə Hacıkənd qəsəbəsində baş tutan “Xəmsə” macəralı yay düşərgəsi uğurla yekunlaşmışdır.

Düşərgənin ikinci günü müxtəlif təlimlər skautlara tədris edilmişdir ki, bu da onların fiziki, psixoloji, emosional, sosial, əqli və karakter inkişafının təmin olunmasına kömək etmişdir.

Düşərgə tonqalı ətrafında skautlar müxtəlif fəaliyyətlər həyata keçirərək öz asudə vaxtlarını səmərəli, əyləncəli və dəyərli təşkil ediblər.Düşərgənin sonuncu günü iştirakçılar macəralı “Xəzinə axtarışında” adlı oyuna qoşularaq dəyərli hədiyyələr qazanıblar.

Daha sonra isə skautlar birgə Nizami Gəncəvi Muzeyinə və Nizami Gəncəvinin anım məqbərəsinə ekskursiya ediblər.

HACIKƏNDDƏ “XƏMSƏ” ADLI DÜŞƏRGƏ BAŞ TUTUB

Azərbaycan Skautlar Assosiasiyasının təşkilatçılığı və Gəncə Gənclər Evi SXM-nin dəstəyi ilə Hacıkənd qəsəbəsində Nizami Gəncəvi İli çərçivəsində “Xəmsə” adlı yay düşərgəsi təşkil edilib.

Düşərgəyə yerləşən skautlar nahardan sonra “Ebru sənəti”, “Atıcılıq”, “Pionerinq”, “Hərbi və sıra hazırlığı” və s. kimi intellektual, sosial, psixoloji, fiziki inkişafı artıran təlimlərə qoşulublar.

Axşam yeməyindən sonra düşərgə tonqalı ətrafında toplaşan skautlar müxtəlif oyun və fəaliyyətlər edərək əyləniblər.

XALIT – 2 DÜŞƏRGƏSİ BAŞLAYIB

“Xalıt”adlı skautların macəralı yay düşərgəsi Şamaxı rayonunun Qaladərəsi kəndində yerləşən Şahdağ Milli Parkının qoynunda salınıb. Düşərgənin adı da elə kənddən 3 km məsafədə yerləşən ecazkar Xalıt şəlaləsindən götürülüb. Şəlalə meşəliklə əhatə olunmuş təxminən 30 metr hündürlükdə qayalardan axaraq ağacların bağrında gizlənmiş əsrarəngiz gözəlliyə sahib, dağların qoynuna sığınmış təbiət incisidir.

3 gün davam edən “Xalıt” adlı skautların macəralı yay düşərgəsinin ikinci hissəsi həyata keçirildir. Düşərgənin ikinci hissəsini də uğurla həyata keçirən skautlara eyniylə psixoloji, sosial, fiziki, əqli, emosional və xarakterlərinin inkişafı məqsədilə “Free Being Me”, “Dayanıqlı İnkişaf Məqsədləri”, “Oxatma”, “Atıcılıq”, “Komanda quruculuğu”, “Zərərdən müdafiə” və digər təlimlər həyata keçirilib.