YAŞAT Fondu, Göygöl Rayon İcra Hakimiyyəti, Azərbaycan Respublikasının Gənclər və İdman Nazirliyinin birgə təşkilatçılığı, Azərbaycan Skautlar Assosiasiyasının tərəfdaşlığı ilə həyata keçirilən “YAŞAT” payız düşərgəsi uğurla yekunlaşıb.

28-31 oktyabr tarixində Göygöl rayonunda təşkil olunan düşərgədə 18-24 yaş aralığında 22 şəhid övladı iştirak edib.

Düşərgənin ikinci günü peşəkar skautlar tərəfindən düşərgə həyatının ayrılmaz hissəsi olan çadırların düzgün formada quraşdırılması, oxatma və səmtin təyin edilməsi təlimləri həyata keçirilib.