“Wood Badge – Azərbaycan Skautlarının Ustadlıq Proqramı” öz işinə başlayıb.

Azərbaycanda ilk dəfə keçirilən “Wood Badge – Azərbaycan Skautlarının Ustadlıq Proqramı” beynəlxalq layihəsi 18 fevral tarixindən etibarən öz işinə başlayıb. Bu proqram skautların ən yüksək dərəcəli təlim proqramıdır və Milli Təlim Proqramı çərçivəsində həyata keçirilir.

24 fevral tarixinədək həyata keçiriləcək layihə çərçivəsində iki istiqamət üzrə: “Wood Badge” və Təməl Liderlik kursları davam edir. Milli Təlim Proqramının həyata keçirilməsi üçün təlimçilər və fasilitatorlar Amerika Birləşmiş Ştatlarından və Türkiyə Cümhuriyyətindən dəvət edilmiş skautmasterlərdir. Azərbaycan Respublikasının Gənclər və İdman Nazirliyinin dəstəyi ilə “Cırtdan” – Uşaq İstirahət və Sağlamlıq Mərkəzində baş tutan beynəlxalq “Wood Badge” kursu çərçivəsində düşərgə ərazisinə gələn müdavimlər yerləşmə və nahar və patrullara bölündükdən sonra onlara “Yüksək dərəcəli liderlik kursu”, “Müxtəlif yaş qruplarının tapşırıqları” və digər təlimlərə qoşulublar. Paralel olaraq Təməl Liderlik kursu iştirakçıları isə “Düşərgənin qurulması”, “Komandanın idarə edilməsi”, “Patrul sistemi anlayışı” və digər təlimlərdə fəal iştirak ediblər.

Düşərgənin ikinci gününün davamında iştirakçılar “Skautiqin tarixi və skautinqin predmeti”, “Skautinqin əsas prinsipləri”, “Struktur”, “Qol komandaları, balta, bıçaq istifadəsi”, “Bacarıqların kurikulumu” və digər təlimlərə qoşulublar. Gün sonunda onlar öz axşam yeməklərini birgə hazırlayaraq patrul ruhunu atrırıblar.Gün sonu düşərgə tonqal ətrafında birləşərək ənənəvi skaut fəaliyyətləri icra edən skautlar qəlblərini isidiblər.

Qeyd edək ki, “Wood Badge” böyükyaşlılar üçün peşəkar səviyyədə həyata keçirilən qabaqcıl liderlik təlimidir. Bir və daha çox həftədən ibarət olan təlim, skaut metodları və patrul təcrübəsini yaşamaqla peşəkar skaut ustadları tərəfindən öyrədilir. “Wood Badge” proqramı iştirakçılara skaut bacarıqlarından daha çox Liderlik bacarıqlarını öyrətmək və inkişaf etdirməkdən ibarətdir. Bu bacarıqlar skautinqlə yanaşı həyatın bütün sahələrində istifadə edilə bilən bacarıqlardır.

Elan: “Təməl Liderlik Kursu”na qeydiyat başladı

Əziz skautlar və skaut dəyərlərinə sahib gənclər.
Azərbaycan Skautlarının Milli Təlim Proqramı çərçivəsində “Təməl Liderlik Kursu”na (№ ASA-MTP002-TL22-1) qeydiyat başladı.

Hər bir skaut təşkilatının əsas sütunu skautlar olsa da onları yetişdirən, inkişaf etməsində bir başa zəhməti keçən, öz cığırlarını tapmasında, gələcəyə uğuru addımlar atmasında, əsl skaut dəyərlərini mənimsənilməsində dəstək göstərən, ailə və məktəb arasındakı boşğuqları tamamlamaq üçün böyük əziyyəti olanlar isə skaut liderləridir. Qısaca Liderlər təşkilatın sütununu möhkəm saxlayan və daim ona nəzarət edən əsas qəhrəmanlardır.

Siz də əsl skaut lideri kimi yetişmək, cəmiyyətə fayda vermək, gələcəyimiz olan uşaq, yeniyetmə və gənclərin inkişafına töhfə vermək, ən əsası öyrədərək öyrənmək istəyirsinizsə 2022-ci ilin #Fevral ayında həyata keçiriləcək #MTP/”Təməl Liderlik Kursları”na qatılmaq üçün qeydiyyatdan keçin.

Qeydiyyatdan keç

Qeydiyyatdan keçmiş və skaut lideri olmağa uyğun olan hər kəs ikinci mərhələyə – müsahibəyə dəvət ediləcəklər.

Qeyd: Qeydiyyatdan keçərkən özünüzü dolğun ifadə etməyi unutmayın!

Yaş: 20+
Tarix: 18-24.02.2022
Təlim müddəti: 6 gün

Siz həqiqətən də lider olduğunuza inanırsınızsa, biz də bunu hiss edəcəyik!

WoodBadge proqramı Azərbaycanda

Skaut Hərəkatını qurduqdan qısa müddət sonra Robert Baden-Pauell lider hazırlığına ehtiyac olduğunu gördü. İlkin Skautmaster təlim düşərgələri London və İngiltərənin şimalında yerləşən Yorkşire’də təşkil edildi. Baden-Pauell düşərgə ərazilərində, açıq havada praktiki təlimlər keçmək istəyirdi.

Lakin Birinci Dünya Müharibəsi liderlik təlimlərini gecikdirdi. Buna görə də rəsmi Wood Badge kursu 1919-cu ilə qədər həyata keçirilmədi.Skautlar üçün daimi liderlik kurslarının təşkili məqsədilə 1919-cu ildə Gilwell Park Skaut Komissarı Uilyam Frederik de Bois Maklaren tərəfindən satın alınarq Böyük Britaniyanın Skautlar Assosiasiyasına verildi və 26 iyul 1919-cu ildə açılışı həyata keçirildi.

Bununla da 8-19 sentyabr 1919-cu ildə ilk rəsmi WoodBadge kursu həyata keçirildi. Gilwell Parkdakın ilk düşərgə lideri Francis Gidney ilk WoodBadge kursuna liderlik etdi. Tədris proqramına məsul şəxs isə komitə üzvü Percy Everett idi. 18 iştirakçının və mühazirəçilərin iştirak etdiyi kursda Baden-Pauell özü də dərsləri tədris edirdi.

Bu təlimdən sonra Wood Badge təlimləri Gilwell Parkda davam etməyə başladı və Skaut Hərəkatında Liderlik təlimlərinin evinə çevrildi.

Azərbaycanda isə ilk WoodBadge proqramı 18-24 Fevral 2022-ci il tairixlərdə həyata keçiriləcək. Bu barədə hələ də xəbərdar deyilsinizsə linkə keçid edərək ətraflı məlumat əldə edə bilərsiniz. keçid

“Wood Badge” nədir və niyə əhəmiyyətlidir?

İki il əvvəl ABŞ-ın Qərbi Virciniya ştatında dünyanın ən böyük düşərgəsi – Jamboree2019-da Azərbaycan Skautları üçün çox əhəmiyyətli və fəxrli hadisə baş verdi. Skautinq sahəsində aktiv böyükyaşlı üzvümüz Fatimə Əliyeva Azərbaycan Skautları arasında ilk Taxta Nişan alan skaut oldu və bizə böyük sevinc bəxş etdi.

2019 – Fatimə Əliyeva və Joao Armado, Virciniya, ABŞ

Bu mötəbər və əhəmiyyətli proqram 2022-ci ildə ilk dəfə Azərbaycanda baş tutacaq və illərdir skautinq sahəsində Azərbaycanda əhəmiyyətli dərəcədə fəaliyyət göstərmiş Liderlərimiz həmin proqramın iştirakçısı olaraq fəxrli və şərəfli Wood Badge-ə sahib olacaqlar.

Fatimə Əliyeva

Bilməyənlər soruşa bilər ki, “Wood Badge” nədir və nəinki Azərbaycan, hətta bütün dünyada olan 57 milyon skaut üçün niyə bu qədər əhəmiyyətlidir?

Taxta Nişan (Wood Badge) skautlar üçün təlim kursudur və nəticədə onlar sertifikat və təlimi keçdiyinə dair nişanlar əldə edirlər. Skautinqin banisi Lord Baden-Pauell 1919-cu ildə ilk kursu həyata keçirdi və iştirakçıların hər birinə Afrika komandiri Dinizuludan götürdüyü muncuqlardan birini verdi. Kursun adı beləcə yarandı, çünki onun simvolu sözün əsl mənasında taxta nişanı idi.

Wood Badge əlavə olaraq Skauinqin əsas təlim kursudur. Baden-Pauell onu elə tərtib edib ki, skautlar skaut bacarıq və üsullarını mümkün qədər praktiki şəkildə öyrənə bilsinlər. Bu, ilk növbədə, etməklə öyrənməkdir(Learning by doing). Kursun üzvləri patrul, onlar isə dəstə şəklində formalaşır. Bütün dəstə bir həftə boyunca açıq havada yaşayır, düşərgə qurur, öz yeməklərini bişirir və Skaut bacarıqlarını məşq edirlər.

Ümumiyyətlə Skautinqin unikallığı patrul metodudur. Altı və ya səkkiz nəfərdən ibarət patrul öz liderini seçən və bir çox öz fəaliyyətlərini planlaşdırıb həyata keçirən kiçik demokratik cəmiyyətdir. Burada onlar insanlarla işləməyi öyrənirlər. Burada da onlara liderlik və onları gələcək vətəndaş rollarına hazırlayan öyrənmə imkanları verilir. Bu səbəbdən bütün böyüklərin patrul metodunu hərtərəfli başa düşməsi çox vacibdir.”

Ülvi Məmmədov

WoodBadge təlimi ilk dəfə Azərbaycanda!

Skautların ən yüksək dərəcəli təlim proqramı #WoodBadge təlimi ilk dəfə 18-24 fevral 2022-ci il tarixdə Azərbaycanda.

Azərbaycan Gənclər Fondunun dəstəyi ilə həyata keçiriləcək beynəlxalq sertifikatlı proqram sizə #ikitaxtalı nişanı qazanmağa imkan yaradacaq.

Beynəlxalq təlimçilərin həyata keçirəcəyi proqrama qoşulmaq üçün linkə daxil olaraq qeydiyyatdan keçə bilərsiniz.

“Wood Badge” peşəkar səviyyələrdə yetişkin liderlər üçün qabaqcıl liderlik təlimidir. Dünya üzərində bir və daha çox həftədən ibarət olan təlim, patrul metodundan istifadə edərək skaut metodlarından və peşəkar skaut ustadlarının təcrübəsini yaşamaqla öyrədilir.

Wood Badge proqramı iştirakçılara Skaut bacarıqlarından daha çox Liderlik bacarıqlarını öyrənmək və inkişaf etdirməkdən ibarətdir. Bu bacarıqlar Skautinqlə yanaşı həyatın bütün sahələrində istifadə edilə bilən bacarıqlardır.

Skautinqin qurucusu Lord Robert Baden-Powell, 1919-cu ildə Skautları üçün “yaxşı təlim keçmiş liderlər yetişdirməli” vizyonunun bir hissəsi olaraq Wood Badge kimi tanınan nişanı təqdim etdi. Wood Badge, böyüklərə yeni Skaut hərəkatında oğlanlarla işləmək üçün lazım olan bacarıqları öyrətmək vasitəsi olaraq başladı.

Keçən 100 il ərzində “Wood Badge”, Skaut liderlərinin liderlik bacarıqlarını inkişaf etməsində dəstək olan bir proqrama çevrildi və #Scoutcraft`la yanaşı digər müxtəlif təlim kursları ilə həyata keçirilməyə başladı.

Kriteriyalar üçün daxil ol

ELAN: AVARÇƏKMƏ DÜŞƏRGƏSİ BAŞ TUTACAQ

 Azərbaycan Skautlar Assosiasiyası 3-5 sentyabr tarixlərində Mingəçevir şəhərində “Xarı Bülbül” adlı skautların avarçəkmə düşərgəsi təşkil edir.

Məqsəd:
Uşaq, yeniyetmə və gənc skautların asudə vaxtlarının səmərəli təşkil olunması , məhsuldar vaxt keçirmək, həmçinin əyləncəli oyunlarla yanaşı, onlara Mingəçevir şəhərinin yerli xüsusiyyətlərini, maraqlı yerlərini və insanlarını tanıtdırmaq, şəhərin tarixi, ilə yaxından tanış etməkdən ibarətdir.

Kimlər iştirak edə bilər?
Yalnız təşkilatın üzvləri:
〰️ 6-17 yaş skautlar (mauqli, skaut, cəngavər yaş qrupları);
〰️ 18+ böyükyaşlı skautlar;
〰️ Qeyri-skautlar

Kimlər iştirak edə bilər?
Yalnız təşkilatın üzvləri:
〰️ 6-17 yaş skautlar (mauqli, skaut, cəngavər yaş qrupları)
〰️ 18+ böyükyaşlı skautlar

İştirak haqqı:
İştirak haqqı Skautlar üçün 60 AZN, liderlər üçün isə ödənişsiz müəyyən olunmuşdur. Qeyri-skautlar üçün ödəniş 80 AZN təşkil edir.
Qeyd: Lider minimum 2 patrulu ilə düşərgədə ödənişsiz iştirak edir:

Qiymətə daxildir:
〰️ Gündə 3 dəfə qidalanma (3 gün 2 gecə);
〰️ Fərqli, məqsədyönlü və əyləncəli proqram (master klasslar, oyunlar, macəralı eksursiyalar);
〰️ Qalacaq yer (çadırlarda);
〰️ Təlimlər və müxtəlif proqramlarda iştirak;

Qeydiyyat prosesi:
〰️ Skautların qeydiyyatı Liderləri tərəfindən həyata keçirilir və qeydiyyat iştirak haqqını ödəməklə təsdiqlənir:
〰️ İştirakçı yalnız öz lideri vasitəsi ilə (və ya razılıq əsasında hansısa patrulun, dəstənin tərkibində) düşərgədə iştirak edə bilər:
〰️ Qeyri-skautlar isə aşağıdakı linkdən qeydiyyatdan keçməlidirlər.
https://cutt.ly/pQNTbh7

Xüsusi qeydlər:
〰️ Qeydiyyatdan keçənlərə ləvazimatlar, proqram və s. detallar haqqında məlumatlar liderlər vasitəsi ilə göndəriləcəkdir.
〰️ Düşərgə 100 nəfər iştirakçı üçün nəzərdə tutulub. İlkin qeydiyyatdan keçənlərə nəzərə alınacaqdır.

Fəaliyyətlər
1. Avarçəkmə;
2. Balıq tutma;
3. Make your own boat ;
4. Banan exstrim;
5. Adventure balon;
6. Şarlarla oxatma;
7. Tiratma;
8. Adada sağ qalma (real adada);
9. Suda xilas etmə;
10. Kordinantlarla xəzinə tapmaq;

Diqqət iştirakçıların gediş- gəliş xərcləri özləri tərəfindən qarşılanır.

Əlavə suallar üçün:

050 7224862 – Zamin lider;
0509974737 – İntiqam lider;
0504588727 – Qoşqar lider.

HACIKƏNDDƏ KEÇİRİLƏN “XƏMSƏ” DÜŞƏRGƏSİ YEKUNLAŞIB

“Nizami Gəncəvi İli” çərçivəsində Azərbaycan Skautlar Assosiasiyasının təşkilatçılığı, Gəncə Gənclər evi SMX-nin dəstəyi ilə Gəncədə Hacıkənd qəsəbəsində baş tutan “Xəmsə” macəralı yay düşərgəsi uğurla yekunlaşmışdır.

Düşərgənin ikinci günü müxtəlif təlimlər skautlara tədris edilmişdir ki, bu da onların fiziki, psixoloji, emosional, sosial, əqli və karakter inkişafının təmin olunmasına kömək etmişdir.

Düşərgə tonqalı ətrafında skautlar müxtəlif fəaliyyətlər həyata keçirərək öz asudə vaxtlarını səmərəli, əyləncəli və dəyərli təşkil ediblər.Düşərgənin sonuncu günü iştirakçılar macəralı “Xəzinə axtarışında” adlı oyuna qoşularaq dəyərli hədiyyələr qazanıblar.

Daha sonra isə skautlar birgə Nizami Gəncəvi Muzeyinə və Nizami Gəncəvinin anım məqbərəsinə ekskursiya ediblər.

HACIKƏNDDƏ “XƏMSƏ” ADLI DÜŞƏRGƏ BAŞ TUTUB

Azərbaycan Skautlar Assosiasiyasının təşkilatçılığı və Gəncə Gənclər Evi SXM-nin dəstəyi ilə Hacıkənd qəsəbəsində Nizami Gəncəvi İli çərçivəsində “Xəmsə” adlı yay düşərgəsi təşkil edilib.

Düşərgəyə yerləşən skautlar nahardan sonra “Ebru sənəti”, “Atıcılıq”, “Pionerinq”, “Hərbi və sıra hazırlığı” və s. kimi intellektual, sosial, psixoloji, fiziki inkişafı artıran təlimlərə qoşulublar.

Axşam yeməyindən sonra düşərgə tonqalı ətrafında toplaşan skautlar müxtəlif oyun və fəaliyyətlər edərək əyləniblər.

“Ucqar kənd gənclərinin inkişafında gənclər təşkilatlarının rolu” layihəsində skautlar

Gənclər Təşkilatlarının ucqar kəndlərə səfərləri başladı

Azərbaycan Respublikasının Azərbaycan Gənclər Fondunun maliyyə dəstəyi və National Assembly of Youth Organizations of the Republic of Azerbaijanın təşkilatçılığı ilə həyata keçirilən “Ucqar kənd gənclərinin inkişafında gənclər təşkilatlarının rolu” layihəsinə start verilib.Layihənin təşkil edilməsində əsas məqsəd gənclər təşkilatları vasitəsilə ölkəmizin müxtəlif bölgələrində ucqar kəndlərdə yaşayan, ölkə gəncləri üçün yaradılan imkanlardan xəbərdar olmayan, gənclər təşkilatları haqqında məlumatsız olan, həmçinin ictimai işlərdən və aktiv vətəndaşlıqdan geri qalan gənclərin məlumatlandırılması, ictimai fəaliyyətə gənclər təşkilatları vasitəsilə qoşulması və onların inkişafının təmin olunmasıdır.

Layihə çərçivəsində ilk səfər Tərtər rayonunun Seyidimli kəndinə edilmişdir. Səfərin ilk günü Azərbaycan Skautlar Assosiasiyası tərəfindən gənclər üçün müxtəlif təlim və vörkşoplar keçirilmişdir. Məlumat üçün qeyd edək ki, hər ucqar kəndə müxtəlif gənclər təşkilatları tərəfindən 2 günlük səfər edilməklə, layihə çərçivəsində ümumilikdə ölkəmizin 10 rayonunun ucqar kəndində 1 ay müddətində həyata keçiriləcək.

Tərtər rayonunun Seyidimli kəndində baş tutan layihədən olan görüntüləri sizinlə bölüşürük. #NAYORA#AzGF#GenclərFondu#BİRLİKDƏ#Gənclərtəşkilatları#ucqarkəndlər#ScoutsofAzerbaijan