Elm və Təhsil Nazirliyinin Təhsildə İnkişaf və İnnovasiyalar üzrə 8-ci qrant müsabiqəsinin qalibi olan “Parlayan Cəngavərlər” layihəsi çərçivəsində Göygöl rayonunun Köşkü kəndində 3 günlük möhtəşəm yay düşərgəsi keçirildi! 
Düşərgə boyunca iştirakçılar müxtəlif maarifləndirici, intellektual və yaradıcı fəaliyyətlərdə iştirak etdilər. Komanda işləri, oyunlar, təlimlər və interaktiv sessiyalar onların həm fərdi, həm də sosial bacarıqlarının inkişafına töhfə verdi. 
Layihənin məqsədi – uşaqların təhsilə marağını artırmaq, faydalı vərdişlər aşılamaq və hərtərəfli inkişaflarına dəstək olmaqdır.
Layihənin rəhbəri və müəllifi: Leyla Bayramova Natiq qızı, eyni zamanda Azərbaycan Skautlar Assosiasiyasında dəstə lideridir. 
“Parlayan Cəngavərlər” layihəsi Elm və Təhsil Nazirliyinin dəstəyi ilə həyata keçirilir və təhsildə innovativ yanaşmaların tətbiqinə xidmət edir. 
