“EkoLoqika – gənclər üçün beynəlxalq təlim proqramı”nda

Azərbaycan Respublikasının Gənclər və İdman Nazirliyi və Müstəqil Dövlətlər Birliyinə üzv ölkələrin Dövlətlərarası Humanitar Əməkdaşlıq Fondunun dəstəyi, “Dan” Beynəlmiləlçi Gənclər İctimai Birliyinin təşkilatçılığı ilə təşkil olunan “EkoLoqika – gənclər üçün beynəlxalq təlim proqramı” öz işinə başlayıb. Azərbaycan Skautlar Assosiasiyasının Milli Baş Müvəkkili Ülvi Məmmədov tədbir çərçivəsində keçirilən panel müzakirədə spiker kimi çıxış edərək Assosiasiyanın pandemiya dövründəki ekoloji istiqamətdə fəaliyyətindən geniş söz açıb.

Qeyd edək ki, dekabrın 23-dən 28-dək davam edəcək tədbirdə Azərbaycan, Belarus, Gürcüstan, Qazaxıstan, Qırğızstan, Moldova, Rusiya, Tacikistan və Özbəkistandan 60-a yaxın gənc iştirak edir.

Beynəlxalq tədbirdə Azərbaycan Skautlar Assosiasiyasının 8 üzvü bu istiqamətdə təşkil edilən təlim və fəaliyyətlərdə iştirak edir.

EkoLogika #GİN #scoutsofazerbaijan

Another day for #restorekarabakh

Our scouts continued their visits to the liberated territories within the framework of the project “Youth participation in the environmental assessment of the liberated territories”, organized by IDEA Campaign, organized by the Ministry of Ecology and Natural Resources and financially supported by the Youth Foundation.Members of the Association of Scouts of Azerbaijan, along with other members of the group, visited Zangilan, Gubadli, Khojavend, Aghdam and Shusha districts after Jabrayil and Fuzuli districts.Our scouts took part in the tree-planting campaign and planted trees and oak seeds in place of the destroyed mulberry trees. They then took water samples from the Hakari River.

IDEA Campaign təşkilatçılığı, Ekologiya və Təbii Sərvətlər Nazirliyinin təşkilati və Azərbaycan Gənclər Fondunun maliyyə dəstəyi ilə həyata keçirilən “Gənclərin işğaldan azad olunmuş ərazilərin ekoloji qiymətləndirilməsində iştirakı” layihəsi çərçivəsində skautlarımız işğaldan azad edilən ərazilərə səfərlərini davam etdiriblər. Azərbaycan Skautlar Assosiasiyasının üzvləri qrupun digər üzvləri ilə birlikdə Cəbrayıl və Füzuli rayonlarından sonra Zəngilan, Qubadlı, Xocavənd, Ağdam və Şuşa rayonlarına növbəti səfərlərini həyata keçiriblər.Ağacəkmə aksiyasında iştirak edərən skautlarımız məhv edilmiş tut ağaclarının yerində çinar tingləri və palıd toxumları əkiblər. Daha sonra onlar Həkəri çayından su nümunələri götürüblər.

WoodBadge proqramı Azərbaycanda

Skaut Hərəkatını qurduqdan qısa müddət sonra Robert Baden-Pauell lider hazırlığına ehtiyac olduğunu gördü. İlkin Skautmaster təlim düşərgələri London və İngiltərənin şimalında yerləşən Yorkşire’də təşkil edildi. Baden-Pauell düşərgə ərazilərində, açıq havada praktiki təlimlər keçmək istəyirdi.

Lakin Birinci Dünya Müharibəsi liderlik təlimlərini gecikdirdi. Buna görə də rəsmi Wood Badge kursu 1919-cu ilə qədər həyata keçirilmədi.Skautlar üçün daimi liderlik kurslarının təşkili məqsədilə 1919-cu ildə Gilwell Park Skaut Komissarı Uilyam Frederik de Bois Maklaren tərəfindən satın alınarq Böyük Britaniyanın Skautlar Assosiasiyasına verildi və 26 iyul 1919-cu ildə açılışı həyata keçirildi.

Bununla da 8-19 sentyabr 1919-cu ildə ilk rəsmi WoodBadge kursu həyata keçirildi. Gilwell Parkdakın ilk düşərgə lideri Francis Gidney ilk WoodBadge kursuna liderlik etdi. Tədris proqramına məsul şəxs isə komitə üzvü Percy Everett idi. 18 iştirakçının və mühazirəçilərin iştirak etdiyi kursda Baden-Pauell özü də dərsləri tədris edirdi.

Bu təlimdən sonra Wood Badge təlimləri Gilwell Parkda davam etməyə başladı və Skaut Hərəkatında Liderlik təlimlərinin evinə çevrildi.

Azərbaycanda isə ilk WoodBadge proqramı 18-24 Fevral 2022-ci il tairixlərdə həyata keçiriləcək. Bu barədə hələ də xəbərdar deyilsinizsə linkə keçid edərək ətraflı məlumat əldə edə bilərsiniz. keçid

Skautlar Mingəçevirdə festivalda

“Güclü Atalar, Güclü Qızlar – Qız övladlarının dəyərinin təşviqi və qızların səlahiyyətləndirilməsi” layihəsi çərçivəsində ilk festival Mingəçevir şəhərində baş tutub.Azərbaycan Skautlarının böyükyaşlı üzvləri tərəfindən möhtəşəm şəkildə başa vurulan gündə ümumilikdə 200 ata və qızın iştirakı ilə açıq səma altında maraqlı fəaliyyətlər və hədiyyəli oyunlar həyata keçirilib.

National Assembly of Youth Organizations of the Republic of Azerbaijanın (NAYORA) təşkilatçılığı ilə baş tutan layihə Avropa İttifaqının maliyyələşdirdiyi, BMT-nin Əhali Fondunun (UNFPA) həyata keçirdiyi “Cənubi Qafqazda gender əsaslı cins seçimi və aidiyyəti zərərli təcrübələrin aradan qaldırılması” proqramı çərçivəsində həyata keçirilir.

“Turan Skautları” layihəsi qrant müsabiqənin qalibi olub

Gənclər təşkilatlarının layihələrinin maliyyələşdirilməsi ilə bağlı elan olunmuş müsabiqənin nəticələri elan edilib. Azərbaycan Respublikasının Gənclər və İdman Nazirliyi tərəfindən, gənclər təşkilatlarının layihələrinin maliyyələşdirilməsi ilə bağlı elan edilmiş müsabiqənin nəticələrinə əsasən maliyyələşdiriləcək layihələr sırasında Azərbaycan Skautlar Assosiasiyasının təqdim etdiyi “Turan Skautları” layihəsi də yer alır.

Müsabiqəyə 123 qeyri-hökumət təşkilatı öz layihələrini təqdim edib. Təqdim edilmiş hər bir layihə təhlil edilib. Təhlil zamanı layihənin davamlılığı, əhəmiyyəti, aktuallığı, daha çox gəncin əhatə edilməsi, göstərilən problemlərin əsaslandırılması, həmçinin, təşkilatın daxili idarəetmə strukturunun formalaşması, möhkəmlənməsi, təşkilatların təcrübələri, layihələrin icra planları, layihəyə cəlb edilən gənclər qrupu haqqında məlumatlar və s. bu kimi məqamlar nəzərdən keçirilib, layihələrin büdcə hissəsi möcvud normativlərə və ehtimal olunan bazar qiymətlərinə uyğunluğu yoxlanılıb.

Nəticədə aşağıdakı gənclər təşkilatlarının layihələrinin maliyyələşdirilməsinə qərar verilib. Layihələrin maliyyələşdirilməsi üçün dövlət büdcəsindən ümumilikdə, 632.316 manat məbləğində maliyyə vəsaitinin ayrılması nəzərdə tutulub. 

Layihələrin icrası ilə bağlı 15-25 dekabr 2021-ci il tarixlərində müqavilələrin bağlanması və müvafiq sənədləşmə işlərinin aparılması planlaşdırılıb.

Skautlarımız səmti müəyyən etmə yarışında iştirak ediblər

Dənizkənarı Bulvar və İçəri Şəhər ərazilərində ölkəmizin şanlı qələbəsi ilə yekunlaşmış 44 günlük Vətən müharibəsinə həsr olunan səmti müəyyən etmə üzrə “Zəfər Kuboku” yarışı keçirilib.

Beynəlxalq Könüllülər Günü həyata keçirilən yarış 44 skautumuzun iştirak ilə Səmti Müəyyənetmə İdman Federasiyasının təşkilatçılığı, Azərbaycan Respublikasının Gənclər və İdman Nazirliyinin dəstəyi ilə həyata keçirilib. Sonda qalib olan skautlarımıza mükafatları təqdim edilib.

Skautlarımızı və Qrupa liderlik edən İradə Museyibovanı təbrik edirik.

AZƏRTAC-a istinadən xəbər veririk ki, 7 kateqoriya üzrə keçirilən yarışda 250-yə yaxın idmançı qələbə uğrunda mübarizə aparıb.

Kişilər arasında elit kateqoriyada Neftçi İdman Klubunun idmançısı Gennadiy Klim yarışın qızıl medalını qazanıb. Yuriy Çernov (Dağçılıq İdman Klubu) ikinci, Mirzə Hüseynzadə (Fövqəladə Hallar Nazirliyi) isə üçüncü olub. Bu kateqoriyada qadınlar arasında Fövqəladə Hallar Nazirliyinin İdman Klubunun idmançısı Sevda Verdiyeva rəqiblərini qabaqlayaraq finişə birinci çatıb. Nataliya Şiyanova (Dağçılıq İdman Klubu) yarışın gümüş, Elina Çerpakova (Neftçi İdman Klubu) isə bürünc medalını qazanıb.

Yarışda qonaq qismində iştirak edən “Azərbaycan bayrağı” ordenli polkovnik Tehran Mənsimov səmti müəyyənetmə idman növünün hərbi idman növü olduğunu qeyd edərək gənclərin bu idman növü ilə məşğul olmalarının vacibliyini qeyd edib, onlara gələcəkdə uğurlar arzulayıb.

Tədbirin sonunda polkovnik Tehran Mənsimov yarışın qalibi olmuş Dağçılıq İdman Klubuna “Zəfər Kuboku”nu təqdim edib.

Skautlar Qarabağda!

IDEA-nın təşkilatçılığı, Ekologiya və Təbii Sərvətlər Nazirliyinin təşkilati və Gənclər Fondunun maliyyə dəstəyi ilə həyata keçirilən “Gənclərin işğaldan azad olunmuş ərazilərin ekoloji qiymətləndirilməsində iştirakı” layihəsi çərçivəsində gənclər həmin ərazilərə səfərlər etmişdir. Azərbaycan Skautlar Assosiasiyasının bir neçə üzvü də həmin qruplarla birgə Cəbrayıl və Füzuli rayonlarına ilk səfərlərini ediblər.

Assosiasiyanın üzvləri ekoloji qiymətləndirmədə iştirak etmişdir. Onlar həmçinin Qarabağın yaşıllaşdırılması üçün öz töhvələrini vermək üçün Füzuli rayonunda ağac fidanları və palıd toxumlarını əkiblər.

Layihə çərçivəsində bundan sonra Qubadlı, Xocavənd, Zəngilan, Ağdam və Şuşaya da səfərlər nəzərdə tutulub.

EN: Within the framework of the “Participation of youth in the environmental assessment of liberated areas” project, organized by IDEA, the Ministry of Ecology and Natural Resources and financially supported by the Youth Foundation of Republic of Azerbaijan, young people visited these areas. Members of the Association of Scout of Azerbaijan also made their first visits to the Jabrayil and Fuzuli regions together with these groups.

Members of the Association participated in the environmental assessment.

They also planted tree seedlings and oak seeds in the Fuzuli region to contribute to the greening of Karabakh. The project also envisages visits to Gubadli, Khojavend, Zangilan, Aghdam and Shusha.

“Skaut Liderlərinin Sertifikatlaşdırılması” proqramı

Azərbaycan Skautlar Assosiasiyası Milli Komitəsinin 06.11.2021-ci il qərarına əsasən Liderlərin təkmilləşdirilməsi və effektliyinin artırılması məqsədi ilə 2022-ci ilin ilk rübündən “Skaut Liderlərinin Sertifikatlaşdırılması” proqramı həyata keçiriləcək.

Qərarə əsasən Dəstə və Qrup lideri kimi fəaliyyət göstərmək istəyən skautlar proqramı tamamlamalı və #FƏALİYYƏTSERTİFİKATI əldə etməlidirlər.

Sertifikatlaşdırılma proqramı həm cəri liderlər, həm də lider olmaq istəyən bütün böyükyaşlı skautlara şamil edilir.

Qeyd edək ki, sertifikatlar 1 il qüvvədə olacaq və növbəti il seritifikatı əldə etmək istəyən liderlərin fəliyyətlərinə və effektifliyə yenidən baxılacaq.

Proqramda iştirak və daha ətraflı məlumatlar tezliklə paylaşılacaq.

“Wood Badge” nədir və niyə əhəmiyyətlidir?

İki il əvvəl ABŞ-ın Qərbi Virciniya ştatında dünyanın ən böyük düşərgəsi – Jamboree2019-da Azərbaycan Skautları üçün çox əhəmiyyətli və fəxrli hadisə baş verdi. Skautinq sahəsində aktiv böyükyaşlı üzvümüz Fatimə Əliyeva Azərbaycan Skautları arasında ilk Taxta Nişan alan skaut oldu və bizə böyük sevinc bəxş etdi.

2019 – Fatimə Əliyeva və Joao Armado, Virciniya, ABŞ

Bu mötəbər və əhəmiyyətli proqram 2022-ci ildə ilk dəfə Azərbaycanda baş tutacaq və illərdir skautinq sahəsində Azərbaycanda əhəmiyyətli dərəcədə fəaliyyət göstərmiş Liderlərimiz həmin proqramın iştirakçısı olaraq fəxrli və şərəfli Wood Badge-ə sahib olacaqlar.

Fatimə Əliyeva

Bilməyənlər soruşa bilər ki, “Wood Badge” nədir və nəinki Azərbaycan, hətta bütün dünyada olan 57 milyon skaut üçün niyə bu qədər əhəmiyyətlidir?

Taxta Nişan (Wood Badge) skautlar üçün təlim kursudur və nəticədə onlar sertifikat və təlimi keçdiyinə dair nişanlar əldə edirlər. Skautinqin banisi Lord Baden-Pauell 1919-cu ildə ilk kursu həyata keçirdi və iştirakçıların hər birinə Afrika komandiri Dinizuludan götürdüyü muncuqlardan birini verdi. Kursun adı beləcə yarandı, çünki onun simvolu sözün əsl mənasında taxta nişanı idi.

Wood Badge əlavə olaraq Skauinqin əsas təlim kursudur. Baden-Pauell onu elə tərtib edib ki, skautlar skaut bacarıq və üsullarını mümkün qədər praktiki şəkildə öyrənə bilsinlər. Bu, ilk növbədə, etməklə öyrənməkdir(Learning by doing). Kursun üzvləri patrul, onlar isə dəstə şəklində formalaşır. Bütün dəstə bir həftə boyunca açıq havada yaşayır, düşərgə qurur, öz yeməklərini bişirir və Skaut bacarıqlarını məşq edirlər.

Ümumiyyətlə Skautinqin unikallığı patrul metodudur. Altı və ya səkkiz nəfərdən ibarət patrul öz liderini seçən və bir çox öz fəaliyyətlərini planlaşdırıb həyata keçirən kiçik demokratik cəmiyyətdir. Burada onlar insanlarla işləməyi öyrənirlər. Burada da onlara liderlik və onları gələcək vətəndaş rollarına hazırlayan öyrənmə imkanları verilir. Bu səbəbdən bütün böyüklərin patrul metodunu hərtərəfli başa düşməsi çox vacibdir.”

Ülvi Məmmədov

WoodBadge təlimi ilk dəfə Azərbaycanda!

Skautların ən yüksək dərəcəli təlim proqramı #WoodBadge təlimi ilk dəfə 18-24 fevral 2022-ci il tarixdə Azərbaycanda.

Azərbaycan Gənclər Fondunun dəstəyi ilə həyata keçiriləcək beynəlxalq sertifikatlı proqram sizə #ikitaxtalı nişanı qazanmağa imkan yaradacaq.

Beynəlxalq təlimçilərin həyata keçirəcəyi proqrama qoşulmaq üçün linkə daxil olaraq qeydiyyatdan keçə bilərsiniz.

“Wood Badge” peşəkar səviyyələrdə yetişkin liderlər üçün qabaqcıl liderlik təlimidir. Dünya üzərində bir və daha çox həftədən ibarət olan təlim, patrul metodundan istifadə edərək skaut metodlarından və peşəkar skaut ustadlarının təcrübəsini yaşamaqla öyrədilir.

Wood Badge proqramı iştirakçılara Skaut bacarıqlarından daha çox Liderlik bacarıqlarını öyrənmək və inkişaf etdirməkdən ibarətdir. Bu bacarıqlar Skautinqlə yanaşı həyatın bütün sahələrində istifadə edilə bilən bacarıqlardır.

Skautinqin qurucusu Lord Robert Baden-Powell, 1919-cu ildə Skautları üçün “yaxşı təlim keçmiş liderlər yetişdirməli” vizyonunun bir hissəsi olaraq Wood Badge kimi tanınan nişanı təqdim etdi. Wood Badge, böyüklərə yeni Skaut hərəkatında oğlanlarla işləmək üçün lazım olan bacarıqları öyrətmək vasitəsi olaraq başladı.

Keçən 100 il ərzində “Wood Badge”, Skaut liderlərinin liderlik bacarıqlarını inkişaf etməsində dəstək olan bir proqrama çevrildi və #Scoutcraft`la yanaşı digər müxtəlif təlim kursları ilə həyata keçirilməyə başladı.

Kriteriyalar üçün daxil ol