Azərbaycan Respublikasının Gənclər və İdman Nazirliyinin dəstəyi ilə, 23 noyabr 2025-ci il tarixində Respublika Uşaq İstirahət və Sağlamlıq Mərkəzində Azərbaycan Skautlar Assosiasiyasının (ASA) IX Milli Baş Assambleyası – Qurultayı baş tutub.
Bu Qurultayda skaut hərəkatının gələcəyini müəyyənləşdirəcək çoxsaylı mühüm qərarlar qəbul edildi və növbəti 3 illik Strateji Plan təsdiqləndi!
Bununla yanaşı yeni Komitə səsvermə yolu ilə seçilərək Assosiasiyanın idarəetmə orqanlarının tərkibini təsdiqlədi. Bu seçkilərin əsas özəlliyi idarəetmənin dinamik şəkildə gəncləşməsi və inklüzivliyə sadiqliyidir!
Yeni seçilmiş 21 yaşlı Sədr, Kamil Fətəliyev, ASA-nın tarixində bu vəzifəyə seçilən ƏN GƏNC şəxs olaraq qeydə alındı!
Yeni Komitə heyətinin orta yaşı cəmi 28-dir! Bu, gənclərin fəal iştirakına verilən böyük dəyərin göstəricisidir.
Yeni seçilmiş idarəetmə orqanlarının tərkibində qadın təmsilçiliyi 40%, kişi təmsilçiliyi isə 60% təşkil edir. Bu, ASA-nın bərabərliyə sadiqliyini əks etdirir.
ASA-nın Yeni Tərkibi:
Sədr: Kamil Fətəliyev Kənan
Milli Komitə üzvləri: Famil Məmmədov Əlifağa, Ülvi Məmmədov Üzeyir, Ceyhun Fərzəliyev Nizam, İntiqam Rzayev Eldar, Fatimə Əliyeva Nizami, Zemfira Kərimova Qartal
Auditor Komissiyası: Könül Məmmədova Elman, Mehman İbrahimli İlqar, Leyla Tağızadə Nazim
Həmçinin, uzun illər Azərbaycan Skautlarına və Dünya Skaut Hərəkatına öz töhvəsini vermiş İlyas İsmayıllı yekdilliklə Assosiasiyanın yeni Fəxri Prezidenti təsdiq edilmişdir.
Seçilmiş hər bir namizədi səmimi qəlbdən təbrik edir, Azərbaycan skaut hərəkatının inkişafı naminə fəaliyyətlərində böyük uğurlar arzulayırıq! Yeni tərkibə qoşulan hər kəsə skaut ruhunda “Daima Hazır!” deyirik!
