5-7 iyun tarixlərində Buxarestdə keçirilən “Overture – Diversity and Inclusion” beynəlxalq proqramında təşkilatımızın fəal üzvü Ülkər Xanlarova-Mutașcu uğurla iştirak edib!
3 gün davam edən tədbir çərçivəsində iştirakçılar mədəniyyətlərarası dialoq, gender bərabərliyi, inklüzivlik və bərabər imkanlar mövzularında interaktiv workshoplarda və təlimlərdə biliklərini genişləndirdilər.
Tədbir boyunca qurulan dostluq və əməkdaşlıq bağları, gələcək layihələr üçün möhkəm zəmin yaratdı.
Son gün Ülkər xanımın təqdim etdiyi “Cultural Diversity” adlı təlim iştirakçılar tərəfindən xüsusi rəğbətlə qarşılandı. Onun empatik və peşəkar yanaşması, müxtəlif mədəniyyətlərə hörmət mesajı ilə hər kəsi təsirləndirdi.
Tədbirdə əldə etdiyi təcrübələri Ülkər xanım artıq Azərbaycan Skautlar Assosiasiyası ilə bölüşüb və bu mövzuda lider və nümayəndələr üçün təlim də keçib.
Mədəniyyətlər arasında körpülər qurmağa töhfə verən Ülkər xanımı təbrik edir, gələcək fəaliyyətlərində uğurlar arzulayırıq!
